ميهمكيش

ما يهمكيش )

جايه تراضينى بكلمتين
خايفه أقضى الليل حزين
.... ما يهمكيش ....
أنا قلبى واخد ع الأسى
غدر الزمان يا ما علمه
جرحك ما عادش ح يألمه
هيجيله وقت ويتنسى
أنا قلبى واخد ع الأسى
يعشق سنين ... يسقى الحنين
وف لحظة كله بيتنسى

............
كانت عيونك فيها نظرة شوق غريبة
لحظة ما شافك قلبى قال انتى الحبيبة
وان الحياه راح تبتدى بيكى واعيش

أنا اللى شفتك قلت لك
ولما قلتى سمعت لك
واخترت شوقك سكتى
عيشى حياتك فى الهنا
الجرح دا جرحى أنا
والغلطة كانت غلطتى
إوعى تيجى لى وتسألينى
تقولى مالك ؟
روحى سيبينى
صدقينى
شوفى حالك
لو دمعة نزلت من عيونى غصب عنى
ما يهمكيش
لو حد جالك قال على
النوم خاصمنى
ما تصدقيش
أنا قلبى واخد ع الأسى
غدر الزمان يا ما علمه
جرحك معادش ح يألمه
هيجيله وقت ويتنسى
أنا قلبى واخد ع الأسى
يعشق سنين .... يسقى الحنين
وف لحظة كلله بيتنسى
ما يهمكيش
جرحك فى لحظة هيتنسى